രാജ്യത്ത് പാചകവാതക വില വീണ്ടും വര്‍ധിപ്പിച്ചു. ഗാര്‍ഹിക സിലിണ്ടറിന് 3.50 രൂപയാണ് വര്‍ധിപ്പിച്ചത്. ഇതോടെ 14.2 കിലോ സിലിണ്ടറിന് 1010 രൂപയായി.
മെയ് ഏഴിന് സിലിണ്ടറിന് 50 രൂപ വര്‍ധിപ്പിച്ചതിന് പിന്നാലെയാണ് മൂന്നര രൂപ വീണ്ടും വര്‍ധിപ്പിച്ചത്.കഴിഞ്ഞ വര്‍ഷം ഏപ്രില്‍ മുതല്‍ ഗാര്‍ഹിക സിലിണ്ടറിന് 190 രൂപയിലധികമാണ് വര്‍ധിപ്പിച്ചത്. 3.50 രൂപ കൂടി വര്‍ധിച്ചതോടെ ഭൂരിഭാഗം സംസ്ഥാനങ്ങളിലും ഗാര്‍ഹിക സിലിണ്ടറിന്റെ വില 1000 കടന്നു. മെയ് മാസത്തില്‍ തന്നെ രണ്ടാം തവണയാണ് ഗാര്‍ഹിക സിലിണ്ടറിന്റെ വില വര്‍ധിപ്പിക്കുന്നത്.മെയ് ഒന്നിന് 19 കിലോ വാണിജ്യ സിലിണ്ടറിന്റെ വില 102.50 രൂപ വര്‍ധിപ്പിച്ചിരുന്നു. 2,355.50 രൂപയാണ് ഇപ്പോള്‍ വാണിജ്യ സിലിണ്ടറിന്റെ വില.
