Home അന്തർദ്ദേശീയം പൊടിക്കാറ്റ് ഭീഷണിയിൽ ഗൾഫ് മേഖല

പൊടിക്കാറ്റ് ഭീഷണിയിൽ ഗൾഫ് മേഖല

ഖത്തര്‍ ഉള്‍പ്പെടെ ഗള്‍​ഫ്​ മേഖലയിലാകെ ഏതാനും ദിവസങ്ങളിലായി കാലാവസ്ഥാ മാറ്റത്തിന്‍റെ ഭാഗമായി പൊടിക്കാറ്റ്​ വീശുന്നു.തുടര്‍ച്ചയായ ദിവസങ്ങളില്‍ ആഞ്ഞുവീശുന്ന പൊടിക്കാറ്റില്‍ ജനജീവിതവും ദുസ്സഹമായി . റോഡ്​ ഗതാഗതവും യാത്രയും വരെ ദുരിതത്തിലാക്കിയാണ്​ കഴിഞ്ഞ ദിവസങ്ങളില്‍ പൊടിക്കാറ്റ്​ വീശിയടിക്കുന്നത്..

കാലാവാസ്ഥാ വിഭാഗം കഴിഞ്ഞ ദിവസങ്ങളില്‍ നടത്തിയ പ്രവചനങ്ങള്‍ പൂര്‍ണമായും ശരിവെച്ചുകൊണ്ടായിരുന്നു ​തിങ്കള്‍, ചൊവ്വ ദിവസങ്ങളില്‍ അന്തരീക്ഷത്തിലെ മാറ്റങ്ങള്‍. കാഴ്​ചാ പരിധി തീരെ കുറഞ്ഞത്​ പലയിടങ്ങളിലും ഗതാഗതക്കുരുക്കിനും കാരണമായി. ട്രാഫിക്​ വിഭാത്തിന്‍റെ നേതൃത്വത്തില്‍ വിവിധ റോഡുകളി​ലെ സൂചനാബോര്‍ഡുകളില്‍ ഡ്രൈവര്‍മാര്‍ക്കും യാത്രക്കാര്‍ക്കും ആവര്‍ത്തിച്ച്‌​ നിര്‍ദേശങ്ങളും നല്‍കുന്നുണ്ട്. കാഴ്ചാ പരിധി കുറഞ്ഞതിനാല്‍ വേഗത കുറച്ച്‌​ സഞ്ചരിക്കണമെന്നും, കാറ്റ്​ പലമേഖലകളിലും ശക്​തമായി വീശുമെന്നും അറിയിച്ചു.​കാഴ്ച നാല്​ മുതല്‍ എട്ട്​ കി.മീ വരെയും, രണ്ട്​ കി.മീറ്റിനും താഴെയായി ചുരുങ്ങുമെന്നും മുന്നറിയിപ്പ്​ നല്‍കി. ചിലയിടങ്ങളില്‍ ചൊവ്വാഴ്​ച കാഴ്ച പരിധി പൂജ്യത്തിലേക്ക്​ താഴ്ന്നതായും കാലാവസ്ഥാ വിഭാഗം ട്വിറ്ററിലൂടെ അറിയിച്ചു.

പൊടിക്കാറ്റിനൊപ്പം ചൂടും വര്‍ധിക്കുകയാണ്​. ചൊവ്വാഴ്ച പകല്‍ താപനില 41 ഡിഗ്രി സെല്‍ഷ്യസാണ്​ രേഖപ്പെടുത്തിയത്​.ഈയാഴ്ച വടക്കു പടിഞ്ഞാറന്‍ കാറ്റ്​ ശക്​തമാവുന്നതിനാല്‍ വൈകുന്നേരങ്ങളിലെ കാഴ്ച തീരെകുറയുമെന്ന്​ കാലാവസ്ഥാ വിഭാഗം ആവര്‍ത്തിച്ചു. ​തെക്കന്‍ ഇറാഖില്‍ നിന്നാരംഭിക്കുന്ന കാറ്റാണ്​ കുവൈത്തും ഖത്തറും ഉള്‍പ്പെടെ ഗള്‍ഫ്​രാജ്യങ്ങളിലേക്ക്​ പൊടിപടലം പടര്‍ത്തി ആഞ്ഞു വീശുന്നത്​.