ഫ്ലാവി വൈറസ് വിഭാഗത്തില്പ്പെടുന്ന വെസ്റ്റ് നൈല് വൈറസുകളാണ് വെസ്റ്റ് നൈല് പനിയുടെ രോഗകാരി. ക്യൂലക്സ് പിപ്പിയന്സ് കൊതുകുകളാണ് പ്രധാനമായും രോഗം പടര്ത്തുന്നത്.
1937ല് ആഫ്രിക്കയിലെ ഉഗാണ്ടയിലാണ് വെസ്റ്റ് നൈല് രോഗബാധ ആദ്യമായി സ്ഥിരീകരിച്ചതെന്നാണ് റിപ്പോര്ട്ടുകള്. പിന്നീട് യൂറോപ്പ്, മിഡില് ഈസ്റ്റ്, വടക്കേ അമേരിക്ക, പശ്ചിമേഷ്യ എന്നിവിടങ്ങളിലേക്കും പടര്ന്നു. ഉഗാണ്ടയിലെ വെസ്റ്റ് നൈല് ജില്ലയിലാണ് ആദ്യമായി ഈ വൈറസ് ബാധ റിപ്പോര്ട്ട് ചെയ്തത്.
വെസ്റ്റ് നൈല് വൈറസ് പടരുന്നതെങ്ങനെ?
രോഗബാധിതരായ പക്ഷികളില് നിന്ന് കൊതുകുകളിലേക്കും കൊതുകുകളില് നിന്ന് മനുഷ്യരിലേക്കും ഈ വൈറസ് പകരും. ജീവനുള്ള പക്ഷികളില് നിന്നാണോ ചത്തവയില് നിന്നാണോ വൈറസ് പകരുന്നതെന്ന് ഇതുവരെ വ്യക്തമായിട്ടില്ല. വളരെ അപൂര്വമായി മാത്രമേ ഈ വൈറസ് മനുഷ്യരില് നിന്ന് മനുഷ്യരിലേക്ക് പകരാറുള്ളൂ.
വെസ്റ്റ് നൈല് വൈറസ് ബാധയുടെ ലക്ഷണങ്ങള്
പനി, തലവേദന, ക്ഷീണം, ശരീരവേദന, ഓക്കാനം, ഛര്ദി എന്നിവയാണ് പ്രധാന ലക്ഷണങ്ങള്. രോഗം ഗുരുതരമായാല് കടുത്ത തലവേദന, അതിശക്തമായ പനി, ബോധക്ഷയം, പക്ഷാഘാതം എന്നിവയുണ്ടാകും. മരണം സംഭവിക്കാന് സാധ്യതയുള്ളതാണ് ഈ രോഗാവസ്ഥയെന്നാണ് ആരോഗ്യവിദഗ്ധര് വ്യക്തമാക്കുന്നത്. വൈറസ് ബാധിച്ച 150 പേരില് ഒരാള്ക്ക് രോഗത്തിന്റെ ഗുരുതരമായ അവസ്ഥയുണ്ടാകും. ഏത് പ്രായത്തിലുള്ളവരെയും രോഗം ബാധിക്കാന് സാധ്യതയുണ്ട്.
എന്നാല്, 50 വയസിന് മുകളിലുള്ളവരെയും പ്രതിരോധശേഷി കുറഞ്ഞവരെയും വൈറസ് ബാധിക്കാനുള്ള സാധ്യത കൂടുതലാണ്.
പ്രതിരോധ മാര്ഗങ്ങള്
കൊതുവലയ്ക്കുള്ളില് മാത്രം ഉറങ്ങാന് ശ്രദ്ധിക്കുകപരിസരം വൃത്തിയായി സൂക്ഷിക്കുക
കൊതുക് വളരുന്നതിന് സഹായകമാകുന്ന വെള്ളക്കെട്ടുകള് ഒഴിവാക്കുക
ശരീരം മുഴുവന് മറയ്ക്കുന്ന അയഞ്ഞ വസ്ത്രങ്ങള് ഉപയോഗിക്കുക
രോഗലക്ഷണങ്ങള് കണ്ടാലുടന് വൈദ്യസഹായം തേടുക