Home അറിവ് സംഗീതം കേള്‍ക്കുന്നതിലൂടെ നേടിയെടുക്കുന്ന ആരോഗ്യ ഗുണങ്ങള്‍

സംഗീതം കേള്‍ക്കുന്നതിലൂടെ നേടിയെടുക്കുന്ന ആരോഗ്യ ഗുണങ്ങള്‍

One man, young overweight man break after jogging, listening music on headphones, using smart phone.

സംഗീതം ഒരു നദിപോലെയാണ്. മനസിനെ എല്ലാ പ്രശ്നങ്ങളില്‍ നിന്നും പുറത്തുകൊണ്ടുവരാന്‍ സംഗീതം വലിയ പങ്ക് വഹിക്കുന്നുണ്ട്.നമ്മള്‍ വിഷമിച്ചിരിക്കുന്ന സമയത്ത്, അല്ലെങ്കില്‍ നല്ലപോലെ ടെന്‍ഷനടിച്ചിരിക്കുമ്പോൾ , സംഗീതം കേട്ടാല്‍ കിട്ടുന്ന ഒരു ആശ്വാസമുണ്ട്. നമ്മളുടെ മൂഡിനനുസരിച്ച്‌ പാട്ടുകള്‍ തിരഞ്ഞെടുത്ത് കേട്ടാല്‍ മാനസികാരോഗ്യം മെച്ചപ്പെടുത്തുവാനും അതുപോലെതന്നെ നല്ല ആരോഗ്യം നിലനിര്‍ത്തുവാനും സാധിക്കുന്നു.

ഇത്തരത്തില്‍ സംഗീതം കേള്‍ക്കുന്നതിലൂടെ ഒരു വ്യക്തി നേടിയെടുക്കുന്ന ആരോഗ്യ ഗുണങ്ങള്‍ എന്തെല്ലാമെന്ന് നോക്കാം.

നിങ്ങളുടെ ശ്രദ്ധകൂട്ടുവാന്‍ സഹായിക്കുന്നു

ചിലരെ കണ്ടിട്ടുണ്ടാകും ഒന്നിലും കാര്യമായ ശ്രദ്ധ കാണുകയില്ല. ചില കുട്ടികള്‍ക്ക് പഠിക്കുവാന്‍ പോലും ശ്രദ്ധകിട്ടാത്ത അവസ്ഥ കാണാം. ചിലരാണെങ്കില്‍ ജോലിസ്ഥലത്ത് ഒന്നിലും ശ്രദ്ധകിട്ടാതെ ബുദ്ധിമുട്ടുന്നത് കാണാം. ഇത്തരത്തില്‍ ശ്രദ്ധക്കുറവ് അനുഭവിക്കുന്നവര്‍ക്ക് അത് മാറ്റിയെടുക്കുവാന്‍ ഏറ്റവും നല്ല മാര്‍ഗ്ഗമാണ് സംഗീതം കേള്‍ക്കുക, അല്ലെങ്കില്‍ ആസ്വദിക്കുക എന്നത്. ഇതിനായി ഒരു ഹെഡ്‌സെറ്റ് എടുത്ത് 60 bpm ബീറ്റ്‌സില്‍ ടെംപോ വെച്ച്‌ പാട്ടും വെച്ച്‌ കേള്‍ക്കുക. ഇത്തരത്തില്‍ കേള്‍ക്കുമ്പോൾ തലച്ചോറിന്റെ കാര്യക്ഷമത കൂടുവാന്‍ സഹായിക്കുന്നു എന്നാണ് പറയുന്നത്. ഇതില്‍ ഏറ്റവും നല്ലമാര്‍ഗ്ഗമാണ്. ബാക്ക്ഗ്രൗഡില്‍ പാട്ട് വയ്ക്കുക. ഒപ്പം നിങ്ങള്‍ വര്‍ക്ക് ചെയ്തുകൊണ്ടിരിക്കുക എന്നത്. ഇത് നിങ്ങള്‍ക്ക് കൂടുതല്‍ റിലീഫ് നല്‍കുന്നതായിരിക്കും.

കുളിമുറിയില്‍ നമ്മളെല്ലാവരും നല്ല ഗായകരാണ് അല്ലെ? നമ്മളുടെ മൂഡ് എന്താണോ അതിനനുസരിച്ചാണ് ഓരോ പാട്ടും ആ സമയത്ത് വരുന്നത്. ചിലപ്പോള്‍ നമ്മള്‍ നമ്മളുടേതായ വരികള്‍പോലും സ്വന്തമായി ഉണ്ടാക്കിയെന്നും വരും. അതുപോലെതന്നെ താളം പിടിച്ചെന്നും വരും. മുളിപ്പാട്ടും പാടി സ്വയം ആസ്വദിച്ചെന്നും ഇരിക്കാം. ഇത്തരം പാട്ടുകള്‍ നമ്മളുടെ വികാരങ്ങള്‍ എക്‌സ്പ്രസ്സ് ചെയ്യുവാന്‍ സഹായിക്കുന്നുണ്ട്. ഇത് മറ്റുള്ളവരുടെ മുന്‍പില്‍ വെച്ച്‌ പാടണമെന്നില്ല. നമ്മളായിരിക്കുന്ന അവസ്ഥയില്‍ സ്വയം സമാധാനത്തിന് നമ്മള്‍ക്ക് മാത്രം ആസ്വദിക്കുവാന്‍ ചെയ്യുന്നവയാണ്.

ക്രിയേറ്റിവിറ്റി കൂട്ടുവാന്‍ സഹായിക്കുന്നു

നമ്മള്‍ പാട്ടുകേട്ടുകൊണ്ടിരുന്നാല്‍ നമ്മുടെ മൂഡിനെ സ്വാധീനിക്കുവാനും അതുപോലെ, ക്രിയേറ്റിവിറ്റിയെ ഉണര്‍ത്തുവാനും സഹായിക്കുന്നുണ്ട്. അതുകൊണ്ടുതന്നെ കാര്യമായി എന്തെങ്കിലും ചെയ്യുവാനിരിക്കുകയാണെങ്കില്‍ പാട്ട് കേള്‍ക്കുന്നത് നല്ലതാണ്. ഇത് നിങ്ങളുടെ ജോലി കുറച്ചും കൂടെ ക്രിയേറ്റീവാക്കി അവതരിപ്പിക്കുവാന്‍ സഹായിക്കുന്നതായിരിക്കും.

ഒറ്റപ്പെടല്‍ ഇല്ലാതാക്കുന്നു

ചിലര്‍ക്ക് തനിക്ക് ആരുമില്ല, ആരും മിണ്ടുന്നില്ല എന്നീ തോന്നലുകള്‍ അനുഭവിക്കുന്നവരുണ്ട്. ഇവര്‍ സംഗീതം ആസ്വദിക്കുന്നത് മനസ്സിലെ ഇത്തരം ചിന്തകള്‍ മാറ്റുന്നതിന് സഹായിക്കുന്ന കാര്യമാണ്. മാത്രവുമല്ല, ഇവരുടെ മനസ്സ് ശാന്തമാകുന്നതോടെ മറ്റുള്ളവരോട് മിണ്ടുവാനും ചുറ്റുമുള്ളതിലെല്ലാം തന്നെ സന്തോഷം കണ്ടെത്തുവാനും ഇത് സഹായിക്കുന്നുണ്ട് .

സ്വയം പ്രചോദനം കിട്ടുവാന്‍ സഹായിക്കുന്നു

നമ്മളുടെ ഉള്ളിനെ പോസറ്റീവ് എനര്‍ജിയെ ഉണര്‍ത്തുവാന്‍ സംഗീതത്തിന് സാധിക്കുന്നുണ്ട്. അതുകൊണ്ടുതന്നെ നെഗറ്റീവടിച്ച്‌ ഇരിക്കുന്ന സമയത്ത് നല്ല പാട്ട് കേട്ടാല്‍ മനസ്സ് കൂടുതല്‍ ശാന്തമാകുന്നതിനും അതുപോലെ, സ്വയം പോസറ്റീവ് എനര്‍ജി കയറി കൂടുതല്‍ ഉല്‍സാഹത്തോടെ ഇരിക്കുവാനും ഇത് സഹായിക്കുന്നുണ്ട്. കാര്യങ്ങള്‍ ചെയ്യുവാനും പുതിയ തീരുമാനങ്ങള്‍ എടുക്കുവാന്‍ പോലും ഇത് സഹായിക്കും.