കോവിഡ് വ്യാപനത്തിന്റെ ഭാഗമായി കണ്ടെയ്ന്മെന്റ് സോണുകളില് താമസിക്കുന്ന ഉപയോക്താവിന് സ്വയം മീറ്റര് റീഡിങ് രേഖപ്പെടുത്താനുള്ള സംവിധാനവുമായി കെഎസ്ഇബി. എസ്എംഎസ് വഴി കെഎസ്ഇബി അയയ്ക്കുന്ന ലിങ്കില് ക്ലിക്ക് ചെയ്താല് ഉപയോക്താവിന്റെ വിവരങ്ങളടങ്ങിയ പേജില് എത്തും. ഇവിടെ റീഡിങ് രേഖപ്പെടുത്തേണ്ട കോളങ്ങളും മറ്റ് വിവരങ്ങള്ക്കായുള്ള സ്ഥലവും കാണാം. ഇന്ന് മുതലാണ് ഈ സംവിധാനം നിലവില് വരുന്നത്.
ഇതിന് വേണ്ടി ഉപഭോക്താക്കള് പ്രത്യേക ആപ് ഡൗണ്ലോഡ് ചെയ്യേണ്ട ആവശ്യമില്ല. ലിങ്കില് ക്ലിക്ക് ചെയ്ത് പേജിലെത്തിയാല് തൊട്ടുമുന്പത്തെ റീഡിങ് സ്ക്രീനില് കാണാനാകും. ഇതിനടുത്തുള്ള കോളത്തിലാണ് മീറ്ററിലെ നിലവിലെ റീഡിങ് രേഖപ്പെടുത്തേണ്ടത്. മീറ്റര് ഫോട്ടോ എന്ന് ഓപ്ഷന് തെരഞ്ഞെടുത്താല് മീറ്ററിലെ റീഡിങ് നേരിട്ട് ഫോട്ടോ എടുക്കാം. മീറ്റര് റീഡിങ് പൂര്ത്തിയായെന്നു കണ്ഫേം മീറ്റര് റീഡിങ് ഓപ്ഷനില് ക്ലിക്ക് ചെയ്യുന്നതോടെ സെല്ഫ് മീറ്റര് റീഡിങ് പൂര്ത്തിയാകും. അതതു പ്രദേശത്തെ കെഎസ്ഇബി മീറ്റര് റീഡറുടെ ഫോണ് നമ്പറും ആ പേജില് ലഭ്യമായിരിക്കും.
ഉപയോക്താവു രേഖപ്പെടുത്തിയ റീഡിങ്ങും ഫോട്ടോയിലെ റീഡിങ്ങും പരിശോധിച്ചശേഷം മീറ്റര് റീഡര്മാര് അടയ്ക്കേണ്ട തുക ഉപയോക്താവിനെ എസ്എംഎസിലൂടെ അറിയിക്കും. കെഎസ്ഇബിയില് മൊബൈല് നമ്പര് രജിസ്റ്റര് ആന്ഡ്രോയ്ഡ് സ്മാര്ട് ഫോണ് ഇല്ലാത്തവര്ക്കും മീറ്റര് റീഡിങ് സ്വയം ചെയ്യാന് കഴിയില്ല. ഇത്തരം സാഹചര്യങ്ങളില് റീഡര്മാര് നേരിട്ടുവന്നു വിവരങ്ങള് രേഖപ്പെടുത്തേണ്ടിവരും.