സംസ്ഥാനത്ത് പുതുക്കിയ ബസ്, ഓട്ടോ, ടാക്സി നിരക്കുകള്‍ ഞായറാഴ്‌ച മുതല്‍ നിലവില്‍ വരും.
ഓര്‍ഡിനറി ബസുകളുടെ മിനിമം നിരക്ക് എട്ടുരൂപയില്‍നിന്ന് പത്ത് രൂപയാകും.ഓട്ടോറിക്ഷകളുടെ മിനിമം നിരക്ക് 25 രൂപയില്‍നിന്ന് 30 രൂപയാകും. ഇതിന് പുറമേ നാല് ചക്ര ഓട്ടോ, ടാക്സി എന്നിവയുടെ നിരക്കും കൂടും.
ഓട്ടോ-ടാക്സി നിരക്ക് വര്‍ധനസംബന്ധിച്ച സര്‍ക്കാര്‍ വിജ്ഞാപനം രണ്ട് ദിവസം മുന്‍പ് പുറത്തിറങ്ങിയിരുന്നു. എന്നാല്‍ശനി ഉച്ചയോടെയാണ് ബസ് ചാര്‍ജ്ജ് വര്‍ധിപ്പിച്ചുള്ള വിജ്ഞാപനമിറങ്ങിയത്. ഓര്‍ഡിനറി ബസ് നിരക്കിന് ആനുപാതികമായി കെഎസ്‌ആര്‍ടിസിയുടെ ഫാസ്റ്റ്, സൂപ്പര്‍ഫാസ്റ്റ് സര്‍വീസുകളുടെ നിരക്കുകളും കൂടും. അഞ്ച് കിലോമീറ്ററാണ് മിനിമം ദൂരത്തില്‍ ഫാസ്റ്റുകളില്‍ സഞ്ചരിക്കാവുന്ന ദൂരം.
