ഓഗസ്റ്റ് 10നകം 5ജി അനുവദിക്കുമെന്നും ഒക്ടോബര്‍ മുതല്‍ സേവനങ്ങള്‍ ആരംഭിക്കുമെന്ന് പ്രതീക്ഷിക്കുന്നതായും കേന്ദ്ര കമ്യൂണികേഷന്‍സ്, ഇലക്‌ട്രോണിക്‌സ്, ഇന്‍ഫര്‍മേഷന്‍ ടെക്‌നോളജി മന്ത്രി അശ്വിനി വൈഷ്ണവ് പറഞ്ഞു.മികച്ച സ്പെക്ട്രം (റേഡിയോ തരംഗം) ലഭിക്കുന്നതോടെ, കോള്‍ നിലവാരം മെച്ചപ്പെടുമെന്ന് പ്രതീക്ഷിക്കുന്നെന്നും അദ്ദേഹം കൂട്ടിച്ചേര്‍ത്തു.
സര്‍ക്കാര്‍ 10 ബാന്‍ഡുകളില്‍ സ്പെക്ട്രം ലേലത്തിന് നല്‍കിയിരുന്നെങ്കിലും 600 മെഗാഹെര്‍ട്‌സിലെ വായുതരംഗങ്ങള്‍ക്കായി (Airwave) ലേലമൊന്നും ലഭിച്ചില്ല. ലേലത്തില്‍ മൂന്നില്‍ രണ്ട് ഭാഗവും 5 ജി ബാന്‍ഡുകള്‍ക്കായാണ് (3300Mhz, 26Ghz), അതേസമയം ആവശ്യത്തിന്റെ നാലിലൊന്ന് 700 മെഗാഹെഡ്സ് ബാന്‍ഡിലാണ് വന്നത്, മുൻപത്തെ രണ്ട് ലേലങ്ങളിലും (2016, 2021) അത് വിറ്റുപോകാതെ പോയി.സ്പെക്‌ട്രത്തിന് 1.5 ലക്ഷം കോടി രൂപയുടെ റെകോര്‍ഡ് ലേലം ലഭിച്ചുടെലികോം സ്പെക്ട്രത്തിന്റെ രാജ്യത്തിന്റെ എക്കാലത്തെയും വലിയ ലേലത്തിന് റെകോര്‍ഡ് തുകയായ 1.5 ലക്ഷം കോടി രൂപയുടെ ബിഡുകള്‍ ലഭിച്ചു, മുകേഷ് അംബാനിയുടെ ജിയോ 88,078 കോടി രൂപ ലേലത്തില്‍ പകുതിയോളം വായുതരംഗങ്ങള്‍ കൈക്കലാക്കി. അംബാനിയുമായുള്ള മത്സരത്തിനിടെ, ലേലത്തില്‍ പ്രവേശിച്ച ഗൗതം അദാനിയുടെ ഗ്രൂപ് 400 മെഗാഹെര്‍ട്‌സിന് 212 കോടി രൂപ ചിലവഴിച്ചു. വിറ്റഴിച്ച സ്പെക്ട്രത്തിന്റെ ഒരു ശതമാനത്തില്‍ താഴെയോണിത്. പൊതു ടെലിഫോണ്‍ സേവനങ്ങള്‍ നല്‍കുന്നതിന് ഉപയോഗിക്കാത്ത ബാന്‍ഡാണിത്.
ടെലികോം വ്യവസായി സുനില്‍ ഭാരതി മിത്തലിന്റെ ഭാരതി എയര്‍ടെല്‍ 43,084 കോടി രൂപയുടെ വിജയകരമായ ലേലം നടത്തി, വോഡഫോണ്‍ ഐഡിയ ലിമിറ്റഡ് 18,799 കോടി രൂപയ്ക്ക് സ്പെക്ട്രം വാങ്ങി.10 ബാന്‍ഡുകളിലായി 72,098 മെഗാഹെര്‍ട്‌സ് സ്പെക്ട്രം വിറ്റഴിച്ചതായി ടെലികോം മന്ത്രി അശ്വിനി വൈഷ്ണവ് പറഞ്ഞു.
കമ്പനികളുടെ ലേലങ്ങളും സ്പെക്ട്രം ടോപ്-അപും രാജ്യത്തുടനീളമുള്ള ഉപഭോക്താക്കള്‍ക്ക് മികച്ച നിലവാരമുള്ള സേവനങ്ങള്‍ക്ക് വഴിയൊരുക്കുമെന്നും അദ്ദേഹം കൂട്ടിച്ചേര്‍ത്തു.ഒക്ടോബറോടെ 5ജി സേവനങ്ങള്‍ ആരംഭിക്കും. മൊത്തത്തില്‍ 1,50,173 കോടി രൂപയുടെ ബിഡുകള്‍ ലഭിച്ചു, ആദ്യ വര്‍ഷം സര്‍ക്കാരിന് 13,365 കോടി രൂപ ലഭിക്കുമെന്നും അദ്ദേഹം പറഞ്ഞു.
