മഴക്കാലത്ത് കൊതുക് ശല്യം രൂക്ഷമാവുകയാണ്. പരിസരപ്രദേശങ്ങളില്‍ കൊതുകുകള്‍ പെരുകുന്നത് നിരവധി ആരോഗ്യ പ്രശ്‌നങ്ങള്‍ സൃഷ്ടിക്കും.
ഡെങ്കിപനി ഭീതി നിലനിൽക്കുന്ന സാഹചര്യത്തിൽ കൊതുക് വളരാതെ പരിസരം വൃത്തിയാക്കാൻ ശ്രമിക്കാം.കിണറുകളിൽ നിശ്ചിത അളവിൽ ക്ലോറിൻ ഉപയോഗിച്ച് അണുനശീകരണം നടത്താം.
കൊതുകിനെ തുരത്താന്‍ ഒറ്റമൂലയായി നാടന്‍ വഴികള്‍ ഉണ്ട്. വെളുത്തുള്ളി, കുന്തിരിക്കം, മഞ്ഞള്‍, കടുക് എന്നിവ വേപ്പെണ്ണയില്‍ കുഴച്ചതിനുശേഷം വീടിനു ചുറ്റും പുകയ്ക്കുക. ഇത് കൊതുകിനെ അകറ്റി നിര്‍ത്താന്‍ സഹായിക്കും. കൂടാതെ, തുളസിയോ തുമ്പയോ ചതച്ചതിനുശേഷം വീടിനു സമീപം തൂക്കിയിടുന്നത് നല്ലതാണ്.പരിസര പ്രദേശങ്ങളില്‍ വെള്ളം കെട്ടിക്കിടന്നാല്‍ അതിലേക്ക് വേപ്പെണ്ണ, സോപ്പുലായനി, പുകയില കഷായം എന്നിവ നിശ്ചിത അനുപാതത്തില്‍ ചേര്‍ത്ത് യോജിപ്പിച്ചതിനുശേഷം ഒഴിക്കുക.
