ഇന്ത്യയില് പ്രമുഖ ഇന്സ്റ്റന്റ് മെസേജിങ് ആപ്പായ വാട്സ്ആപ്പിലൂടെ ഇനി പണം കൈമാറ്റവും സാധ്യമാകും എന്ന വാര്ത്ത കുറച്ച് മുന്പാണ് ജനങ്ങളിലേക്കെത്തിയത്. എന്നാലിപ്പോള് വാട്സ്ആപ്പിന്റെ പേയ്മെന്റ് ഫീച്ചറിന് ഇന്ത്യയില് തുടക്കമായിരിക്കുകയാണ്. എസ്ബിഐ, എച്ച്ഡിഎഫ്സി, ഐസിഐസിഐ, ആക്സിസ് ബാങ്ക് എന്നീ ബാങ്കുകളുമായി സഹകരിച്ചാണ് വാട്സ്ആപ്പ് പേയ്മെന്റ് സേവനത്തിന് തുടക്കമിട്ടിരിക്കുന്നത്.
നവംബറിലാണ് പേയ്മെന്റ് സംവിധാനവുമായി മുന്നോട്ടുപോകാന് വാട്സ്ആപ്പിന് അനുമതി ലഭിച്ചത്. സന്ദേശം അയക്കുന്ന അതേ വേഗതയില് പണം കൈമാറാനുള്ള സംവിധാനമാണ് വാട്സ്ആപ്പ് ഒരുക്കിയത്.
രണ്ട് വര്ഷത്തെ കാത്തിരിപ്പിന് ശേഷമാണ് പേയ്മെന്റ് സംവിധാനവുമായി മുന്നോട്ടുപോകാന് വാട്സ്ആപ്പിന് അധികൃതര് അനുമതി നല്കിയത്. നാഷണല് പേയ്മെന്റ്സ് കോര്പ്പറേഷന് ഓഫ് ഇന്ത്യയുടെ യുപിഐ സംവിധാനം അനുസരിച്ചാണ് പുതിയ പേയ്മെന്റ് ഫീച്ചറിന് രൂപം നല്കിയതെന്ന് വാട്സ്ആപ്പ് വ്യക്തമാക്കി.
45 കോടി ഇടപാടുകാരുള്ള എസ്ബിഐക്ക് 12 കോടി യുപിഐ ഉപയോക്താക്കളാണ് ഇതുവരെ ഉള്ളത്. യുപിഐ സംവിധാനത്തില് 28 ശതമാനം വിപണി വിഹിതം എസ്ബിഐയ്ക്കാണ്. ഇതിന് പുറമേ ഐസിഐസിഐ, എച്ച്ഡിഎഫ്സി, ആക്സിസ് ബാങ്ക് എന്നിവയുമായി സഹകരിച്ചാണ് വാട്സ്ആപ്പ് പേയ്മെന്റ് സംവിധാനം തുടങ്ങിയത്.