വോഡഫോണ്‍ ഐഡിയ സംയുക്ത സംരംഭമായ വി, പുതിയ രണ്ട് പ്ലാനുകള്‍ അവതരിപ്പിച്ചു. 51 രൂപയും 301 രൂപയും പുതിയ രണ്ട് പ്രീപെയ്ഡ് ഓഫറുകളാണ് കഴിഞ്ഞ ദിവസം പ്രഖ്യാപിച്ചത്. 51 രൂപ പ്രീപെയ്ഡ് പ്ലാന്‍ ഒരു എസ്എംഎസ് ഓഫറോടുകൂടിയ ഇന്‍ഷുറന്‍സ് പ്ലാനും 301 രൂപക്ക് ഡാറ്റ, കോളിംഗ്, എസ്എംഎസ് ആനുകൂല്യങ്ങള്‍ വാഗ്ദാനം ചെയ്യുന്ന കോംബോ പ്ലാനുമാണ്. രണ്ട് പ്ലാനുകളും ഉപയോക്താക്കള്‍ക്ക് ഹോസ്പി കെയര്‍ ഇന്‍ഷുറന്‍സ് പരിരക്ഷ ആനുകൂല്യങ്ങള്‍ നല്‍കുന്നു.
51 രൂപയുടെ പ്ലാനില്‍ ഹോസ്പികെയര്‍ ആനുകൂല്യങ്ങളോടൊപ്പം എസ്എംഎസ് ആനുകൂല്യങ്ങളോടൊപ്പം 28 ദിവസത്തേക്ക് വാലിഡിറ്റിയുള്ള പ്രാദേശികവും ദേശീയവുമായ 500 എസ്എംഎസ് പദ്ധതിയാണ്. 18 നും 55 നും ഇടയില്‍ പ്രായമുള്ള ഉപഭോക്താക്കള്‍ക്ക് മികച്ച ആരോഗ്യവും അപകടകരമല്ലാത്ത ജോലികളും ഉള്ളവര്‍ക്ക് ആദിത്യ ബിര്‍ള ഹെല്‍ത്ത് ഇന്‍ഷുറന്‍സിന്റെ പ്രതിദിനം 1000 രൂപ ഹോസ്പികെയര്‍ കവറും ഇതില്‍ ഉള്‍പ്പെടുന്നു.
1.5 ജിബി പ്രതിദിന ഡാറ്റ പരിധിയില്ലാത്ത കോളിംഗും 100 എസ്എംഎസും പ്രതിദിനം ലഭിക്കുന്നതാണ് 301 രൂപ പ്രീപെയ്ഡ് പ്ലാന്‍. 28 ദിവസത്തെ വാലിഡിറ്റിയുള്ള ഈ പ്ലാനിന്റെ നേട്ടങ്ങളില്‍ അധികവും വാരാന്ത്യ റോള്‍ഓവര്‍ ഡാറ്റാ ആനുകൂല്യങ്ങളുമുള്ള സൗജന്യ രാത്രികാല ഡാറ്റയും വി മൂവികളിലേക്കും ടിവിയിലേക്കും പ്രവേശനവുമാണ്. ഓഫറില്‍ ഹോസ്പികെയര്‍ ആനുകൂല്യങ്ങളും ഉണ്ട്. നിലവിലുള്ള ഉപയോക്താക്കളെ നിലനിര്‍ത്തുന്നതിനും കൂടുതല്‍ ഉപയോക്താക്കളെ അതിന്റെ നെറ്റ്വര്‍ക്കിലേക്ക് ആകര്‍ഷിക്കുന്നതിനുമായി കഴിഞ്ഞ മാസം, വി പരിധിയില്ലാത്ത ഉയര്‍ന്ന വേഗതയുള്ള ഡേറ്റകള്‍ നല്‍കി തുടങ്ങിയിരുന്നു. അധിക ചിലവില്ലാതെ ഇന്റര്‍നെറ്റ് രാത്രി 12 മുതല്‍ 6 വരെ അധിക ചിലവില്ലാതെ അവതരിപ്പിച്ചു.
