വാട്സാപ് സ്വകാര്യതാ നയം അംഗീകരിച്ചില്ലെങ്കില് അക്കൗണ്ട് ഇല്ലാതാകില്ലെന്ന് വ്യക്തമാക്കി കമ്പനി. മെയ് 15ന് മുന്പ് സ്വകാര്യതാ നയം അംഗീകരിക്കണമെന്ന നിര്ദേശത്തില് നിന്നാണ് വാട്സാപ്പിന്റെ പിന്മാറ്റം. എന്നാല് ഭൂരിഭാഗം ആളുകളും ഇതിനോടകം വാട്സാപ്പിന്റെ പ്രൈവസി പോളിസി അംഗീകരിച്ചു. കുറച്ചുപേര് ബാക്കിയുണ്ട്.
എന്നാല് സ്വകാര്യതാ നയംഅംഗീകരിക്കാത്തവരുടെ അക്കൗണ്ടുകള് നഷ്ടപ്പെടില്ലെന്നാണ് കമ്പനി വക്താവ് വാര്ത്താ ഏജന്സിയായ പിടിഐയോട് പറഞ്ഞത്. പക്ഷേ, വാട്സാപ്പിന്റെ ഈ പിന്മാറ്റത്തിനു പിന്നിലെ കാരണം വ്യക്തമല്ല. ജനുവരിയിലാണ് വാട്സാപ്പ് സ്വകാര്യതാ നയം തിരുത്തിയത്.
ഫെബ്രുവരിയില് തന്നെ നടപ്പാക്കാനായിരുന്നു ഒരുക്കം. എന്നാല് വാട്സ്ആപ് ഉപയോക്താക്കളുടെ വിവരം മറ്റുള്ളവരുമായി പങ്കുവയ്ക്കാന് സാധ്യതയുണ്ടെന്ന വിമര്ശനം വന് പ്രതിഷേധമായി മാറിയിരുന്നു. ഇതിനിടെയാണ് മെയ് 15 വരെ നീട്ടിയത്.