പ്രമുഖ പൊതുമേഖല ടെലികോം കമ്പനിയായ ബിഎസ്എന്‍എല്‍ 4ജി സിം സൗജന്യമായി നല്‍കുന്ന പദ്ധതി ഡിസംബര്‍ 31 വരെ നീട്ടി. എന്നാല്‍ ആദ്യ തവണ നൂറ് രൂപയ്ക്ക് മുകളില്‍ റീച്ചാര്‍ജ് ചെയ്യുന്ന ഉപയോക്താക്കള്‍ക്കാണ് ഈ ഓഫര്‍.
ബിഎസ്എന്‍എല്ലിലേക്ക് പോര്‍ട്ട് ചെയ്യാന്‍ ആഗ്രഹിക്കുന്ന ഉപയോക്താക്കള്‍ക്കും ഈ ഓഫര്‍ ലഭിക്കും. സിം കാര്‍ഡിന് വരുന്ന 20 രൂപ ചെലവാണ് ഡിസംബര്‍ 31 വരെ ഒഴിവാക്കാന്‍ ബിഎസ്എന്‍എല്‍ തീരുമാനിച്ചത്. എന്നാല്‍ ആദ്യ തവണ നൂറ് രൂപയ്ക്ക് മുകളില്‍ റീച്ചാര്‍ജ് ചെയ്യുന്നവര്‍ക്കാണ് ഇതിന്റെ ആനുകൂല്യം ലഭിക്കുക.
നിലവില്‍ കേരള സര്‍ക്കിളിലാണ് ഈ ഓഫര്‍ നിലനില്‍ക്കുന്നത്. മറ്റു സര്‍ക്കിളുകളിലേക്കും ഈ ഓഫര്‍ നീട്ടിയേക്കുമെന്നാണ് റിപ്പോര്‍ട്ടുകള്‍. ബിഎസ്എന്‍എല്‍ കസ്റ്റമര്‍ സര്‍വീസ് സെന്റര്‍, ബിഎസ്എന്‍എല്‍ റീട്ടെയില്‍ ഔട്ട്‌ലെറ്റുകള്‍ എന്നിവിടങ്ങളില്‍ നിന്ന് ഫോര്‍ജി സിം ലഭിക്കും.
