14 വർഷങ്ങൾക്ക് ശേഷം രാജ്യത്ത് തീപ്പെട്ടി വില വർധിപ്പിക്കാൻ തീരുമാനം. ഒരു രൂപയായിരുന്ന തീപ്പെട്ടി വില ഡിസംബർ ഒന്ന് മുതൽ രണ്ട് രൂപയാക്കി ഉയർത്താനാണ് തീരുമാനിച്ചത്. ഓൾ ഇന്ത്യ ചേംബർ ഓഫ് മാച്ചസ് ചേർന്ന യോഗത്തിലാണ് വില കൂട്ടാനുള്ള തീരുമാനം.
അസംസ്‌കൃത വസ്തുക്കളുടെ വിലവർധനയാണ് തീപ്പെട്ടി വില കൂട്ടാൻ കാരണമെന്നാണ് നിർമാതാക്കൾ പറയുന്നത്. നേരത്തെ അമ്പത് പൈസയായിരുന്ന തീപ്പെട്ടിക്ക് 2007 ലാണ് ഒരു രൂപയാക്കിയത്. പിന്നീട് പതിനാല് വർഷം ഇതേ വിലയായിരുന്നു.
1995-ലാണ് വില 25 പൈസയിൽനിന്ന് 50 പൈസയാക്കിയത്. തീപ്പെട്ടി നിർമ്മിക്കാനാവശ്യമായ 14 അസംസ്‌കൃത വസ്തുക്കൾക്കും വില വർധിച്ചിട്ടുണ്ട്. ശിവകാശിയിൽ നടന്ന ഓൾ ഇന്ത്യ ചേംബർ ഓഫ് മാച്ചസ് യോഗത്തിൽ എല്ലാ തീപ്പെട്ടി നിർമാണ കമ്പനികളും സംയുക്തമായാണ് തീരുമാനമെടുത്തത്.
