ജനപ്രിയ ഫോണുകളിലൊന്നായ ഐഫോൺ 13 വിലക്കുറവിൽ ലഭിക്കാനവസരവുമായി കമ്പനി. ദീപാവലിക്ക് ദിവസങ്ങൾ മാത്രം ശേഷിക്കെയാണ് ഏറ്റവും പുതിയ ഐഫോണിന് ആപ്പിൾ ഓഫർ പ്രഖ്യാപിച്ചത്.
ആപ്പിളിന്റെ ഔദ്യോഗിക റീസെല്ലർ ഐഫോൺ 13 ന്റെ വില 55,900 രൂപയായി കുറയ്ക്കുന്നു എന്നാണ് അറിയിച്ചിരിക്കുന്നത്. ഫോണിന്റെ ലോഞ്ച് വില 79,000 രൂപയായാണ്. എച്ച്ഡിഎഫ്‌സി മുഖേനെ 6,000 രൂപ ക്യാഷ്ബാക്ക് വഗ്ദാനം ചെയ്യുന്നു. കൂടാതെ എക്‌സ്‌ചേഞ്ച് ബോണസായി 3,000 രൂപയും. പഴയ ഐഫോൺ കൈമാറ്റം ചെയ്യാനും അവസരമുണ്ട്.
ആപ്പിൾ വാച്ച് സീരീസ് 7, ഐപാഡ്, ഐപാഡ് മിനി എന്നിവയ്‌ക്കൊപ്പമായിരുന്നു ഐഫോൺ 13 ന്റെയും ലോഞ്ചിങ്. 128 ജിബി സ്‌റ്റോറേജുമായി എത്തിയ ഫോണിന്റെ പ്രൈമറി ക്യാമറ 12 മെഗാപിക്‌സൽ ആണ്. 12 മെഗാപിക്‌സൽ ആൾട്രാവൈഡ് സെൻസറും ഉണ്ട്.
