സംസ്ഥാനത്തെ വാഹനപ്പെരുപ്പം വികസിത രാജ്യങ്ങള്ക്കൊപ്പമെന്ന് ആസൂത്രണ ബോര്ഡ് തയാറാക്കിയ സാമ്പത്തികാവലോകനം.
2021 മാര്ച്ച് വരെയുള്ള കണക്ക് പ്രകാരം സംസ്ഥാനത്ത് 1000 പേര്ക്ക് 445 വാഹനങ്ങളുണ്ട്. ദേശീയ ശരാശരി 1000 പേര്ക്ക് 18 വാഹനമാണ്. ചൈനയില് 1000 പേര്ക്ക് 47ഉം അമേരിക്കയില് 507ഉം വാഹനമാണുള്ളതെന്ന് റിപ്പോര്ട്ട് പറയുന്നു.കഴിഞ്ഞവര്ഷം മാര്ച്ച് വരെ 148.47 ലക്ഷം വാഹനങ്ങളാണ് സംസ്ഥാനത്ത് രാജിസ്റ്റര് ചെയ്തത്. രണ്ടു പതിറ്റാണ്ടായി ഒമ്പത്ശതമാനം വീതമാണ് വാര്ഷിക വളര്ച്ച. എന്നാല്, മുന്വര്ഷത്തെക്കാള് ഇക്കൊല്ലം 4.7 ശതമാനം കുറഞ്ഞു. 2019-20ല് 8,49,200 ആയിരുന്ന പുതിയ രജിസ്ട്രേഷന് വാഹനങ്ങളുടെ എണ്ണം 2020-21ല് 6,62,979 ആയി.
സംസ്ഥാനത്ത് ഏറ്റവും കൂടുതല് വാഹനം എറണാകുളം ജില്ലയിലും തൊട്ടടുത്ത് തിരുവനന്തപുരത്തുമാണ്. വയനാട് ജില്ലയിലാണ് വാഹനം കുറവ്. വാഹന വളര്ച്ചയും റോഡുകളുടെ ശേഷി വര്ധനയും തമ്മിലെ പൊതുത്തക്കേടുകള് റോഡപകടങ്ങള്ക്കും ഗതാഗതക്കുരുക്കിനും കാരണമാകുന്നു.