ഓട്ടോറിക്ഷകള്ക്ക് മെക്കാനിക്കല് ഫെയര് മീറ്ററും ഇലക്ട്രോണിക് ഫെയര് മീറ്ററും വകുപ്പിന്റെ സീല് ചെയ്യേണ്ടതുണ്ട് . പുതിയ മീറ്ററുകള് സ്ഥാപിക്കാത്ത ഓട്ടോറിക്ഷകള്ക്ക് രണ്ടായിരം രൂപ വരെ പിഴ ഈടാക്കും. മീറ്ററില് പുതിയ നിരക്ക് പുനക്രമീകരിക്കുന്ന പ്രവൃത്തി ചെയ്യാന് ലൈസന്സികള്ക്ക് മാത്രമാണ് അനുമതിയുള്ളത്. മീറ്റര് ശരിയാണെങ്കില് റോഡ് ടെസ്റ്റിനു ശേഷം ഈയം ഉരുക്കിയൊഴിച്ച് സ്റ്റെയിന്ലെസ് സ്റ്റീല് ത്രെഡഡ് വയറും സ്ക്വയര് ലെഡും ഉപയോഗിച്ചാണ് മീറ്ററുകള് സീല് ചെയ്യുന്നത്.ലൈസന്സില്ലാത്ത സ്ഥാപനങ്ങളില് മീറ്ററുകള് നിരക്ക് ക്രമീകരണം നടത്തുകയോ മീറ്ററുകളുടെ അറ്റകുറ്റപ്പണികള് നടത്തുകയോ ചെയ്യരുതെന്ന് അധികൃതര് പറയുന്നു.
ഓട്ടോറിക്ഷകളില് മീറ്റര് നിര്ബന്ധമായും പ്രവര്ത്തിപ്പിക്കണമെന്നും നിയമനുസൃതമായ ചാര്ജ് മാത്രമേ യാത്രക്കാരില് നിന്നും ഈടാക്കാവൂവെന്നും അല്ലാത്ത പക്ഷം നിയമനടപടികളുണ്ടാകുമെന്നും ലീഗല് മെട്രോളജി വകുപ്പ് അധികൃതര് അറിയിച്ചു .
അമിത ചാര്ജ് ഈടാക്കാതിരിക്കാന് ഓട്ടോറിക്ഷകളില് അടുത്ത മാസം മുതല് ഓട്ടോ ഫെയര് ചാര്ജ് ചാര്ട്ട് നിര്ബന്ധമായി പ്രസിദ്ധപ്പെടുത്തണമെന്ന് നിര്ദേശം നല്കിയിട്ടുണ്ട്.