ടൂറിസം മേഖലയില് നേരിട്ടുള്ള വിദേശനിക്ഷേപം (എഫ്.ഡി.ഐ) ആകര്ഷിക്കുന്നതില് ദുബായ് ലോകത്ത് ഒന്നാം സ്ഥാനം നിലനിര്ത്തി.2021ല് മാത്രം 30 വ്യത്യസ്ത പദ്ധതികളിലായി 640 കോടി ദിര്ഹമിന്റെ നിക്ഷേപമാണ് എമിറേറ്റിലേക്ക് ഒഴുകിയത്.
നിക്ഷേപ മൂലധനം, പദ്ധതികള്, ജോലി സാധ്യതകള് എന്നിവയിലെല്ലാം ദുബായ്മു ന്നിലാണെന്ന് ഫിനാന്ഷ്യല് ടൈംസിന്റെ മാര്ക്കറ്റ് ഡേറ്റ വ്യക്തമാക്കുന്നു. ലോകത്തെ എഫ്.ഡി.ഐ നിക്ഷേപങ്ങളെക്കുറിച്ച ഡേറ്റകള് പങ്കുവെക്കുന്ന പ്രമുഖ സംവിധാനമാണിത്.എല്ലാ മേഖലകളിലും ബിസിനസിനും നിക്ഷേപത്തിനും അനുകൂലമായ അന്തരീക്ഷം മെച്ചപ്പെടുത്തുന്നത് എമിറേറ്റ് തുടരുകയാണെന്ന് നേട്ടം പങ്കുവെച്ച് ദുബായ് കിരീടാവകാശിയും എക്സിക്യൂട്ടിവ് കൗണ്സില് ചെയര്മാനുമായ ശൈഖ് ഹംദാന് ബിന് മുഹമ്മദ് ബിന് റാശിദ് ആല് മക്തൂം ട്വിറ്ററില് കുറിച്ചു.ദുബായിയെ കുറിച്ച് നിക്ഷേപകരുടെ വര്ധിച്ചുവരുന്ന ആത്മവിശ്വാസത്തെ പ്രതിഫലിപ്പിക്കുന്നതും ആഗോള വ്യാപാരത്തിന്റെയും നിക്ഷേപത്തിന്റെയും കേന്ദ്രമെന്ന നിലയിലെ സ്ഥാനത്തെ ശക്തിപ്പെടുത്തുന്നതുമാണ് നേട്ടമെന്നും അദ്ദേഹം കൂട്ടിച്ചേര്ത്തു.
2021ല് വിസ പരിഷ്കരണങ്ങള് ഉള്പ്പെടെ 40ലധികം മേഖലകളില് യു.എ.ഇ ചരിത്രത്തിലെ ഏറ്റവും വിപുലമായ നിയമനിര്മാണങ്ങള് നടത്തിയിരുന്നു. ഇതെല്ലാം നിക്ഷേപകരുടെ ആത്മവിശ്വാസം ഉയര്ത്തുന്നതിന് കാരണമായിട്ടുണ്ട്.