വീടുകളിലും നാട്ടിന്പുറങ്ങളിലുമെല്ലാം സുലഭമായി കിട്ടുന്നതാണ് തുളസിയില. തുളസിയില് ധാരാളം പോഷകഗുണങ്ങള് അടങ്ങിയിരിക്കുന്നുതുളസിയിട്ട് തിളപ്പിച്ച വെള്ളം കുടിക്കുന്നത് കൊണ്ടുള്ള ആരോഗ്യഗുണങ്ങള് ചെറുതൊന്നുമല്ല.
ആന്റിഓക്സിഡന്റുകള് അടങ്ങിയ തുളസി പ്രതിരോധസംവിധാനത്തെ മെച്ചപ്പെടുത്താന് സഹായിക്കുന്നു.തുളസി വെള്ളം പതിവായി കഴിക്കുന്നത് തലച്ചോറിന്റെ പ്രവര്ത്തനം മെച്ചപ്പെടുത്തുമെന്നും പഠനങ്ങള് തെളിയിച്ചിട്ടുണ്ട്.
പ്രമേഹമുള്ളവര് തുളസി വെള്ളം വെറും വയറ്റില് കുടിക്കുന്നത് ഏറെ നല്ലതാണ്. ശരീരത്തിലെ രക്തത്തിലെ പഞ്ചസാരയുടെ അളവ് നിയന്ത്രിക്കാന് തുളസി ചായ സഹായിക്കുന്നു. ‘യൂജിനോള്’ എന്നൊരു ഘടകം തുളസിയില് അടങ്ങിയിട്ടുണ്ട്. ഇത് ഹൃദയാരോഗ്യത്തിന് സഹായകമാണ്. ബിപി കുറയ്ക്കാനും ഇതു സഹായിക്കും.ശരീരത്തിലെ കൊളസ്ട്രോളിന്റെ അളവ് കുറച്ച് ഹൃദയാരോഗ്യം വര്ദ്ധിപ്പിക്കുന്നു. തുളസി രക്തം ശുദ്ധീകരിക്കാന് ഏറെ ഉത്തമമാണ്. ഇതുകൊണ്ടുതന്നെ ചര്മത്തിനു തിളക്കം നല്കാനും രക്തജന്യ രോഗങ്ങള് ഒഴിവാക്കാനും സഹായിക്കുകയും ചെയ്യും.
കോര്ട്ടിസോള് ഹോര്മോണിന്റെ അളവ് നിലനിര്ത്താന് തുളസി വെള്ളം സഹായിക്കുന്നുവെന്ന് ചില പഠനങ്ങള് പറയുന്നു.ഇത് ശരീരത്തിലെ സമ്മര്ദ്ദത്തിന് കാരണമാകുന്ന സ്ട്രെസ് ഹോര്മോണ് എന്നും അറിയപ്പെടുന്നു. തുളസി വെള്ളം കുടിക്കുന്നത് കോര്ട്ടിസോളിന്റെ അളവ് കുറയ്ക്കുകയും സമ്മര്ദ്ദരഹിതമായി തുടരാന് സഹായിക്കുകയും ചെയ്യും. ഉത്കണ്ഠ പോലുള്ള വിഷാദരോഗത്തിന്റെ വിവിധ ലക്ഷണങ്ങളെ ഇത് ഇല്ലാതാക്കുകയും ചെയ്യുമെന്ന് പഠനങ്ങള് പറയുന്നു.
