അടുക്കളത്തോട്ടത്തിലും ടെറസ് കൃഷിയിലും അത്യന്താപേക്ഷിതമാണ് ചകിരിച്ചോർ. വിളവ് വർധിപ്പിക്കാൻ ചകിരിച്ചോറ് നല്ലതാണ്. മണ്ണിലെ വായു സഞ്ചാരം , വേരോട്ടം എന്നിവയെല്ലാം വർധിപ്പിക്കുകയും ജലാംശം നിലനിർത്തുകയും ചെയ്യും. ഗ്രോബാഗിൽ ചകിരിച്ചോറ് കമ്പോസ്റ്റാക്കി ഉപയോഗിക്കാം.
ചകിരിച്ചോറ് മാർക്കറ്റിൽ വാങ്ങാൻ കിട്ടും. എങ്ങനെയാണ് ചകിരിച്ചോർ കൃഷിയിൽ പ്രയോജനപ്പെടുന്നത്?
- വേനൽക്കാലത്ത് വരൾച്ചയിൽ നിന്ന് സംരക്ഷിക്കും. മണ്ണിൽ ലയിച്ചു ചേരാനുള്ള കഴിവുണ്ട്.
- ഉപയോഗിക്കുന്നതിന് മുമ്പായി ചകിരിച്ചോറ് നന്നായി വെയിൽ കൊള്ളിക്കുക.
- മണ്ണിലെ പുളിരസം കുറയ്ക്കാൻ ഒരു പിടി കുമ്മായം ചേർക്കുക. ചകിരിച്ചോറ് കമ്പോസ്റ്റ് , ചാണകപ്പൊടി എന്നിവയെല്ലാം ഗ്രോബാഗിൽ നിറയ്ക്കാം.
- ഗ്രോബാഗിൽ ഒരുപാട് വെള്ളം ഒഴിക്കരുത്. വെള്ളം കൂടിപ്പോയാൽ മണ്ണിലെ പോഷകങ്ങൾ ഒഴുകിപ്പോകും.
- നാല് കപ്പ് മണ്ണും ബാക്കി ചകിരിച്ചോറും മണ്ണും ചട്ടിയിൽ ചേർക്കുന്നതാണ് നല്ലത്. ജൈവവളങ്ങൾ 1:1:1 എന്ന രീതിയിൽ നിറയ്ക്കാം.
