എയര്കണ്ടീഷണറുകളുടെയും എല്ഇഡി ബള്ബുകളുടെയും ഉത്പാദനം പ്രോത്സാഹിപ്പിച്ച് കേന്ദ്രസര്ക്കാര്. ഇതിനുള്ള സഹായപദ്ധതിക്ക് കേന്ദ്രമന്ത്രിസഭ അനുമതി നല്കി. കമ്പനികള്ക്ക് അഞ്ച് കൊല്ലം കൊണ്ട് 6,238 കോടി രൂപയുടെ സഹായമാണ് ലഭ്യമാക്കുക. അഞ്ച് വര്ഷത്തില് 1.68 ലക്ഷം കോടി രൂപയുടെ ഉത്പാദനവും 64,000 കോടിയുടെ കയറ്റുമതിയും ഈ മേഖലയില് ഉണ്ടാവുമെന്നാണ് കണക്കൂകൂട്ടല്.
7920 കോടി രൂപയുടെ നിക്ഷേപം നടക്കും. കൂടാതെ ഈ പദ്ധതിയിലൂടെ നാല് ലക്ഷം പേര്ക്ക് തൊഴില് ലഭിക്കും. ഉത്പന്നങ്ങളുടെ വില്പനയുമായി ബന്ധപ്പെട്ട് നാല് മുതല് ആറുവരെ ശതമാനം സാമ്പത്തികസഹായമാണ് ഈ രംഗത്തുള്ള കമ്പനികള്ക്ക് നല്കുക. സൂക്ഷ്മ, ചെറുകിട സംരംഭങ്ങള്ക്കും ആഗോള, ആഭ്യന്തര കമ്പനികള്ക്കും പദ്ധതിയുടെ ഭാഗമാകാന് സാധിക്കുമെന്ന് മന്ത്രി പിയൂഷ് ഗോയല് വാര്ത്താസമ്മേളനത്തില് പറഞ്ഞു.