Home വാണിജ്യം ഇനി മിനി ടിവിയും; ആമസോണിന്റെ പുതിയ സൗജന്യ വീഡിയോ പ്ലാറ്റ്‌ഫോം

ഇനി മിനി ടിവിയും; ആമസോണിന്റെ പുതിയ സൗജന്യ വീഡിയോ പ്ലാറ്റ്‌ഫോം

പുതിയ സൗജന്യ വിഡിയോ സ്ട്രീമിങ് സേവനം അവതരിപ്പിച്ച് ആമസോണ്‍ ഇന്ത്യ. മിനി ടിവി എന്നാണ് പുതിയ പ്ലാറ്റ്‌ഫോമിന്റെ പേര്. ആമസോണ്‍ ആന്‍ഡ്രോയിഡ് ആപ്പിലാണ് സേവനം ലഭ്യമാക്കിയിരിക്കുന്നത്. വെബ് സീരീസുകള്‍, കോമഡി ഷോ, ടെക്ക് ന്യൂസ്, ഭക്ഷണം, സൗന്ദര്യം, ഫാഷന്‍ തുടങ്ങിയ വിഷയങ്ങളുമാി ബന്ധപ്പെട്ട വിഡിയോകളാണ് മിനി ടിവിയില്‍ ഉണ്ടാകുക.

നിലവില്‍ ആന്‍ഡ്രോയിഡ് ഉപഭോക്താക്കള്‍ക്കാണ് മിനി ടിവി ലഭ്യമാക്കിയിരിക്കുന്നത്. പിന്നീട് ഐഒഎസ് ആപ്പിലും മൊബൈല്‍ വെബ്ബിലും സേവനം എത്തിക്കുമെന്ന് അധികൃതര്‍ അറിയിച്ചു.

ആമസോണിന്റെ വിഡിയോ പ്ലാറ്റ്ഫോമായ പ്രൈം വിഡിയോയ്ക്ക് പുറമേയാണ് പുതിയ സേവനം അവതരിപ്പിച്ചിരിക്കുന്നത്. ‘മിനി ടിവി പൂര്‍ണ്ണമായും സൗജന്യമാണ്. അതിന് പ്രത്യേക ആപ്പ് ആവശ്യമില്ല’, ആമസോണ്‍ വ്യക്തമാക്കി.