പുതിയ കൊറോണ വൈറസുകളുടെ സാന്നിധ്യം വവ്വാലുകളിൽ കണ്ടെത്തിയതായി തെളിയിക്കുന്ന റിപ്പോർട്ട് പുറത്ത്. ചൈനീസ് ഗവേഷകരാണ് ഈ കണ്ടെത്തലിന് പിന്നിൽ. കോവിഡിൻറെ ഉത്ഭവം സംബന്ധിച്ചുള്ള സംവാദങ്ങൾക്കിടയാണ് ചൈനയിൽ നിന്നും പുതിയ വെളിപ്പെടുത്തൽ വന്നിരിക്കുന്നത്.
വവ്വാലുകളിൽ കണ്ടെത്തിയ കൊറോണ വൈറസുകളിൽ ഒന്ന് കോവിഡ് വൈറസുമായി ജനിതകമായി അടുത്ത സാമ്യം പുലർത്തുന്നതാണ്. കോവിഡ്-19 പരത്തുന്ന വൈറസിന് സമാനമായ റിനോളോഫസ് പസിലസ് എന്ന വിഭാഗത്തിൽ ഉൾപ്പെട്ട വൈറസുകളാണ് വവ്വാലുകളിൽ കണ്ടെത്തിയത് എന്നാണ് റിപ്പോർട്ട്.
കോവിഡ്-19 പരത്തുന്ന കൊറോണ വൈറസിനോട് ഏറ്റവും കൂടുതൽ സാമ്യമുള്ള രണ്ടാമത്തെ വൈറസാണ് റിനോളോഫസ് പസിലസ്. ചൈനയിലെ ഷാഡോംഗ് സർവകലാശാലയിലെ ഗവേഷക വിദ്യാർഥികളാണ് ഗവേഷണത്തിന് പിന്നിൽ. ജേർണൽ സെല്ലിലാണ് ഈ റിപ്പോർട്ട് പ്രസിദ്ധീകരിച്ചിരിക്കുന്നത്. മേയ് 2019 മുതൽ നവംബർ 2020വരെ നീണ്ടുനിന്ന പഠന റിപ്പോർട്ടുകളാണ് ഇവർ പുറത്തുവിട്ടത്.
