നമ്മുടെ മൊത്തത്തിലുള്ള ആരോഗ്യത്തിന് ഏറെ പ്രധാനമാണ് പ്രോട്ടീന് (Proteins deficiency). പലപ്പോഴും ഭക്ഷണശീലത്തിലെ പാളിച്ചകള് കൊണ്ട് ഒരു വ്യക്തിയ്ക്ക് ദിവസവും ആവശ്യമായ പ്രോട്ടീന് ലഭിക്കാറില്ല. ഇത് മസ്തിഷ്കം ഉള്പ്പടെയുള്ള ശരീരത്തിന്റെ പ്രവര്ത്തനങ്ങളെ ബാധിക്കാം. പ്രോട്ടീന് ആവശ്യത്തിന് ഇല്ലാതെ വരുമ്പോള് ശരീരം ചില സൂചനകള്(symptoms) കാണിക്കും.
എന്നാല് ഈ സൂചനകള് പലപ്പോഴും നമ്മള് ശ്രദ്ധിക്കാതെ പോകും എന്നതാണ് യാഥാര്ത്ഥ്യം. പ്രോട്ടീന് ആവശ്യത്തിന് ശരീരത്തിലെത്തിയില്ലെങ്കില് ശരീരം കാണിക്കുന്ന ചില ലക്ഷണങ്ങള് അറിയാം.
പ്രോട്ടീന്റെ കുറവ് ആദ്യം പ്രകടമാകുന്നത് ചര്മ്മത്തിലും മുടിയിലും നഖങ്ങളിലുമായിരിക്കും, ചര്മ്മത്തില് ചുവപ്പ്, പൊട്ടുന്ന നഖങ്ങള്, നേര്ത്ത മുടി, എന്നിവയെല്ലാം കാണിക്കാം. ഇവയെല്ലാം പ്രോട്ടീന് കുറവിന്റെ ലക്ഷണങ്ങളായി കണക്കാക്കപ്പെടുന്നു.
അസ്ഥികളുടെ ശക്തിയും സാന്ദ്രതയും നിലനിര്ത്താന് പ്രോട്ടീന് സഹായിക്കുന്നു. ആവശ്യത്തിന് പ്രോട്ടീന് ലഭിക്കാത്തത് എല്ലുകളെ ദുര്ബലപ്പെടുത്തുകയും ഒടിവുകള് ഉണ്ടാകാനുള്ള സാധ്യത വര്ദ്ധിപ്പിക്കുകയും ചെയ്യുന്നു.
പ്രോട്ടീന്റെ കുറവ് പ്രതിരോധ സംവിധാനത്തെ ബാധിക്കുന്നു. രോഗപ്രതിരോധ ശേഷി ദുര്ബലമാകുന്നത് അണുബാധയെ ചെറുക്കാന് ശരീരത്തെ പ്രവര്ത്തനരഹിതമാക്കിയേക്കാം.
പ്രോട്ടീന് കുറയുമ്പോള് രക്തത്തിലെ പഞ്ചസാരയുടെ അളവും കുറയും. ഇതാണ് മധുരമുള്ള ഭക്ഷണം കഴിക്കാന് നമ്മളെ പ്രേരിപ്പിക്കുന്നത്. എന്നാല് മധുരം അടങ്ങിയ ഭക്ഷണം എത്ര കഴിച്ചാലും മതിയാവില്ല. മധുരം അധികം കഴിക്കുന്നത് കൂടുതല് ആരോഗ്യപ്രശ്നങ്ങള്ക്ക് കാരണമാകും.
പ്രോട്ടീന് കുറവ് രക്തത്തിലെ പഞ്ചസാര കുറയ്ക്കുമെന്ന് പറഞ്ഞല്ലോ. ഇത് മറ്റ് ചില പ്രത്യാഘാതങ്ങള് കൂടി ശരീരത്തിലുണ്ടാക്കും, തളര്ച്ചയും ക്ഷീണവും അനുഭവപ്പെടും.