തൊഴിലിടങ്ങളില് തൊഴിലാളികള്ക്ക് ഇരിപ്പിട സൗകര്യങ്ങളുണ്ടോയെന്ന് ഉറപ്പുവരുത്താന് തൊഴില്വകുപ്പ് പരിശോധനക്ക്.വനിത ജീവനക്കാര്ക്കടക്കം ജോലി സ്ഥലത്ത് ഇരിക്കാനുള്ള സൗകര്യം തൊഴിലുടമ ഏര്പ്പെടുത്തി നല്കണമെന്നാണ് നിയമം. വ്യാപാരശാലകള്ക്കടക്കം ഇത് ബാധകമാണ്. ഇതുസംബന്ധിച്ച് ബോധവത്കരണം ലക്ഷ്യമിട്ട് കാമ്ബയിന് നടത്തും.ഗാര്ഹിക മേഖലയില് തൊഴില് ചെയ്യുന്നവരെ അസംഘടിത തൊഴിലാളി സാമൂഹിക സുരക്ഷ ബോര്ഡില് രജിസ്റ്റര് ചെയ്യിപ്പിക്കും. ഇതിനായി റിക്രൂട്ട്മെന്റ് സ്ഥാപനങ്ങള് തൊഴില്വകുപ്പ് ഉദ്യോഗസ്ഥര് സന്ദര്ശിക്കും. നിലവിലെ അംഗങ്ങളായ തൊഴിലാളികള്ക്ക് കുടിശ്ശിക മെംബര്ഷിപ് തുക ഗഡുക്കളായി ഒടുക്കാന് സൗകര്യമുണ്ട്. തൊഴിലാളികള്ക്ക് വരിനില്ക്കാതെ ട്രേഡ് യൂനിയനുകളുടെ സഹകരണത്തോടെ എളുപ്പത്തില് രജിസ്ട്രേഷന് നടത്താനുള്ള സൗകര്യം എല്ലാ ജില്ല ബോര്ഡ് ഓഫിസുകളിലും ഏര്പ്പെടുത്തും.