സമൂഹമാധ്യമങ്ങളിൽ പ്രചരിക്കുന്ന ഒരു പുഷ്പമാണ് നാരീലത. നാണം മറയ്ക്കുന്ന നഗ്ന സ്ത്രീയുടെ രൂപമാണ് പൂവിന്. പച്ച നിറമാണിതിന്. പാലക്കാടും, എറണാകുളത്തും 20 വർഷത്തിന് ശേഷം ചെടി പൂവിട്ടു എന്നാണ് പ്രചരണം.എന്നാൽ ഈ ചെടിയോ പൂവോ കണ്ടവരാരുമില്ല. ഇന്‍റര്‍നെറ്റില്‍ ഇതിന് നാരീപോള്‍ എന്ന് മറ്റൊരു പേരും കൂടിയുണ്ട്. ഹിമാലയത്തിലും, തായ്ലണ്ടിലും ഈ ചെടിയുണ്ടെന്നായിരുന്നു ഇതുവരെയുള്ള പ്രചരണം. ഇപ്പോൾ കേരളത്തിൽ പൂത്തുവെന്നായി. ഇത്തരമൊരു വൃക്ഷം നിലനില്‍ക്കുന്നതായി ആര്‍ക്കും ഒരു വിവരവും ലഭിച്ചിട്ടില്ല.5 വർഷമായി സമൂഹമാധ്യമങ്ങളില്‍ പ്രചരിക്കുന്ന നാലോ അഞ്ചോ ചിത്രങ്ങളല്ലാതെ പുതുതായി ഒരു ചിത്രവുമില്ല. വ്യാജ പ്രചരണം സജീവമായപ്പോൾ ഈ ചിത്രവും വാർത്തയും സമൂഹ മാധ്യമങ്ങളിൽ കാണാത്തവരില്ല എന്നായിരിക്കുന്നു.
