ചരിത്രത്തിലാദ്യമായി ഇന്ത്യന് വിമാനകമ്പനിയുടെ സിഇഒ ആയി ഒരു വനിത നിയമിതയായി. ഹര്പ്രീത് എ ഡി സിങ് ആണ് നിയമിതയായത്. എയര് ഇന്ത്യയുടെ സഹകമ്പനിയായ അലൈന്സ് എയറിന്റെ സിഇഒ ആയാണ് ഇവര് ജോയിന് ചെയ്തത്. അടുത്ത ഒരു അറിയിപ്പുണ്ടാകുന്നതുവരെ ഹര്പ്രീത് അലൈന്സ് എയറിന്റെ സിഇഒ ആയി തുടരുമെന്ന് എയര് ഇന്ത്യ സിഎംഡി രാജീവ് ബന്സാല് അറിയിച്ചു.
നിലവില് ഫ്ലൈറ്റ് സേഫ്റ്റി വിഭാഗത്തില് എക്സിക്യൂട്ടീവ് ഡയറക്ടറാണ് ഹപ്രീത്. സീനിയര് ക്യാപ്റ്റന് നിവേദിത ഭാസിന് ഫ്ലൈറ്റ് സേഫ്റ്റി എക്സിക്യൂട്ടീവ് ഡയറക്ടറുടെ ചുമതല നല്കുമെന്നും എയര് ഇന്ത്യ അറിയിച്ചു.
1988ലാണ് ഹര്പ്രീത് എയര് ഇന്ത്യയില് പൈലറ്റായി എത്തിയത്. വനിതാ പൈലറ്റ് അസോസിയേഷന്റെ തലപ്പത്തെത്തിയ ഹര്പ്രീത് ആരോഗ്യ കാരണങ്ങളാല് വിമാനം പറത്താന് കഴിയാതിരുന്നതോടെ വിമാനങ്ങളുടെ സുരക്ഷയുമായി ബന്ധപ്പെട്ട മേഖലകളില് പ്രവര്ത്തിച്ചു.