ദിവസവും രണ്ട് ലിറ്റർ വെള്ളമെങ്കിലും കുടിക്കണം. തിളപ്പിച്ചാറിയ വെള്ളം, കഞ്ഞിവെള്ളം, നാരങ്ങവെള്ളം എന്നിവ ഉപ്പിട്ട് കുടിക്കാം. കൃത്രിമ ശീതളപാനീയങ്ങൾ ഒഴിവാക്കണം.
പഴങ്ങൾ, പച്ചക്കറികൾ എന്നിവ ഭക്ഷണത്തിൽ ധാരാളമായി ഉൾപ്പെടുത്തണം. മാംസാഹാരം മിതമാക്കണം.
രാവിലെ 11 മുതൽ വൈകീട്ട് മൂന്നുവരെയുള്ള വെയിൽ നേരിട്ട് ഏൽക്കാതിരിക്കുക. വെയിലത്ത് ഇറങ്ങുമ്പോൾ കുട ഉപയോഗിക്കണം.
കാർ വെയിലത്ത് പാർക്ക് ചെയ്ത് ഗ്ലാസുമിട്ട് അതിനുള്ളിൽ ഇരിക്കരുത്. കുട്ടികളെയും പ്രായമേറിയവരെയും കാറിലിരുത്തി പുറത്ത് പോകരുത്.
നൈലോൺ, പോളിസ്റ്റർ വസ്ത്രങ്ങൾ ഒഴിവാക്കുക. അയഞ്ഞ കോട്ടൺ വസ്ത്രങ്ങളാണ് നല്ലത്.
പ്രായമേറിയവർ, കുട്ടികൾ, മറ്റു ദീർഘകാല ആരോഗ്യപ്രശ്നങ്ങൾ ഉള്ളവർ എന്നിവർക്ക് പ്രത്യേക ശ്രദ്ധയും പരിചരണവും നൽകണം.
