ഇനിമുതല്‍ ലിങ്ക് ചെയ്ത ഗൂഗിള്‍ അക്കൗണ്ടുകളെ ബാധിക്കാതെ, കാര്യമായ എഡിറ്റുകള്‍ ഇല്ലാതെ തന്നെ യുട്യൂബ് ചാനലിന്റെ പേരും പ്രൊഫൈല്‍ ചിത്രവും മാറ്റാന്‍ കഴിയും. മുന്‍പ്, ഒരു യുട്യൂബ് ചാനല്‍ ഇത്തരത്തില്‍ അപ്ഡേറ്റ് ചെയ്യണമെങ്കില്‍ ഗൂഗിള്‍ അക്കൗണ്ടിന്റെ പേരും പ്രൊഫൈല്‍ ചിത്രവും മാറ്റണമായിരുന്നു. ഗൂഗിള്‍ അക്കൗണ്ടും യുട്യൂബ് ചാനലും പ്രത്യേക ഐന്റിറ്റികളായതു കൊണ്ടു യുട്യൂബ് ചാനലിന്റെ പേര് ഇനി മുതല്‍ ഗൂഗിള്‍ അക്കൗണ്ട് പേരായി വരില്ല, പകരം ഇഷ്ടമുള്ളത് ഉപയോഗിക്കാം.
യുട്യൂബ് ഐഡന്റിറ്റികള്‍ വേറെ വേറെ സൂക്ഷിക്കുന്നതിന് ഇത് സഹായകരമാണ്, പക്ഷേ ഓര്‍മ്മിക്കേണ്ട ചില മുന്നറിയിപ്പുകള്‍ ഉണ്ട്. യുട്യൂബ് ചാനലിന്റെ പേര് എപ്പോഴും മാറ്റാനാവില്ല. എന്നാല്‍ പഴയ പേരിലേക്ക് തിരികെ പോകാനാവും. ഇതിനായി വീണ്ടും അപേക്ഷിക്കാന്‍ കഴിയും, എന്നാല്‍ ബാഡ്ജ് തിരികെ നേടുന്നതിന് മുന്‍പത്തെ അതേ പ്രക്രിയയിലൂടെ കടന്നുപോകേണ്ടതുണ്ട്. ഒരു ചാനലിന്റെ പേര് മാറ്റുന്നത് നിങ്ങളുടെ ചാനലിന്റെ യുആര്‍എല്‍ മാറ്റില്ല. പുതിയ യൂട്യൂബ് ചാനല്‍ എഡിറ്റിംഗ് ഓപ്ഷനുകള്‍ ഡെസ്‌ക്ടോപ്പിലും യുട്യൂബ് മൊബൈല്‍ അപ്ലിക്കേഷനിലും പ്രവര്‍ത്തിക്കുന്നു.
ഡെസ്‌ക്ടോപ്പില്‍ യുട്യൂബ് ചാനലിന്റെ ബ്രാന്‍ഡിംഗ് എഡിറ്റ് ചെയ്യേണ്ടത് എങ്ങനെയെന്ന് നോക്കാം
നിങ്ങളുടെ ബ്രൗസറില്‍ യുട്യൂബ് സ്റ്റുഡിയോ തുറക്കുക.
സൈഡ്ബാര്‍ മെനുവില്‍ നിന്ന് കസ്റ്റമൈസേഷന്‍ ക്ലിക്കുചെയ്യുക.
‘ബ്രാന്‍ഡിംഗ്’ ടാബിലേക്ക് പോയി, പുതിയൊരെണ്ണം അപ്ലോഡുചെയ്യുന്നതിന് പ്രൊഫൈല്‍ ചിത്രത്തിന് അടുത്തുള്ള ‘ചെയ്ഞ്ച്’ ക്ലിക്കുചെയ്യുക.
‘ബേസിക്ക് ഇന്‍ഫോ’ ടാബിലേക്ക് പോയി അത് എഡിറ്റുചെയ്യുന്നതിന് നിങ്ങളുടെ ചാനലിന്റെ പേരിന് അടുത്തുള്ള പെന്‍സില്‍ ഐക്കണില്‍ ക്ലിക്കുചെയ്യുക.
നിങ്ങളുടെ മാറ്റങ്ങള്‍ സംരക്ഷിക്കാനും ചാനലിന്റെ വിവരങ്ങള്‍ അപ്ഡേറ്റുചെയ്യാനും ‘പബ്ലീഷ്’ ക്ലിക്കുചെയ്യുക.
ആന്‍ഡ്രോയിഡ്/ഐഒഎസി-ല്‍ നിങ്ങളുടെ യുട്യൂബ് ചാനലിന്റെ ബ്രാന്‍ഡിംഗ് എങ്ങനെ എഡിറ്റുചെയ്യാം:
യുട്യൂബ് അപ്ലിക്കേഷന്‍ തുറക്കുക, തുടര്‍ന്ന് മുകളില്‍ വലതുവശത്ത് നിങ്ങളുടെ പ്രൊഫൈല്‍ ചിത്രം ടാപ്പുചെയ്യുക.
‘നിങ്ങളുടെ ചാനല്‍’ ടാപ്പുചെയ്യുക.
‘ചാനല്‍ എഡിറ്റുചെയ്യുക’ ടാപ്പുചെയ്യുക.
നിങ്ങളുടെ ചാനലിന്റെ പേരും കൂടാതെ / അല്ലെങ്കില്‍ പ്രൊഫൈല്‍ ചിത്രങ്ങളും എഡിറ്റുചെയ്യുക.
നിങ്ങളുടെ മാറ്റങ്ങള്‍ സംരക്ഷിക്കുക.
നിങ്ങളുടെ യുട്യൂബ് ചാനലിന്റെ വിവരങ്ങള്‍ അല്ലാതെ നിങ്ങളുടെ ഗൂഗിള്‍ അക്കൗണ്ടിന്റെ വിവരങ്ങള്‍ മാറ്റണമെങ്കില്‍, മൈഅക്കൗണ്ട്.ഗൂഗിളിലേക്ക് സൈന്‍ ഇന്‍ ചെയ്ത് ‘പേഴ്സണല്‍ ഇന്‍ഫോ’ ടാബില്‍ നിന്ന് നിങ്ങളുടെ പേരോ പ്രൊഫൈല്‍ ഐക്കണോ എഡിറ്റുചെയ്യുക.
