Home ആരോഗ്യം ഒരു ഡോസ് വാക്‌സിന്‍ സ്വീകരിച്ചവര്‍ക്ക് 82 ശതമാനം മരണത്തെ പ്രതിരോധിക്കാനാകുമെന്ന് റിപ്പോര്‍ട്ട്

ഒരു ഡോസ് വാക്‌സിന്‍ സ്വീകരിച്ചവര്‍ക്ക് 82 ശതമാനം മരണത്തെ പ്രതിരോധിക്കാനാകുമെന്ന് റിപ്പോര്‍ട്ട്

വാക്സിനുകളുടെ ശേഷിയുമായി ബന്ധപ്പെട്ട് നടത്തിയ പഠനഫലം പുറത്ത് വിട്ട് ഐസിഎംആര്‍. ഒരു ഡോസ് വാക്സിന്‍ സ്വീകരിച്ചവര്‍ക്ക് 82 ശതമാനം മരണത്തെ പ്രതിരോധിക്കാന്‍ കഴിയുമെന്നാണ് കണ്ടെത്തല്‍. രണ്ടു ഡോസ് വാക്സിനും എടുത്തവര്‍ക്ക് 95 ശതമാനം മരണത്തെ പ്രതിരോധിക്കാനാവുമെന്നും ഐസിഎംആര്‍ വ്യക്തമാക്കി.

ഇന്ത്യന്‍ ജേണല്‍ ഓഫ് മെഡിക്കല്‍ റിസര്‍ച്ചില്‍ ഇതുസംബന്ധിച്ച പഠനറിപ്പോര്‍ട്ട് പ്രസിദ്ധീകരിച്ച് വന്നിട്ടുണ്ട്. ഐസിഎംആറും നാഷണല്‍ ഇന്‍സ്റ്റിറ്റ്യൂട്ട് ഓഫ് എപ്പിഡെമോളജിയും ചേര്‍ന്നാണ് പഠനം നടത്തിയത്. തമിഴ്നാട്ടിലെ ഹൈറിസ്‌ക് ഗ്രൂപ്പുകളിലായിരുന്നു പഠനം.

അതേസമയം കുട്ടികളിലുണ്ടാകുന്ന രോഗലക്ഷണങ്ങള്‍ ശ്രദ്ധിക്കണമെന്ന് കേന്ദ്ര ആരോഗ്യമന്ത്രി ഡോ. ഹര്‍ഷവര്‍ധന്‍ നിര്‍ദേശിച്ചു. മൂന്നാം തരംഗം കുട്ടികളെ ബാധിച്ചേക്കുമെന്ന് റിപ്പോര്‍ട്ടുകളുണ്ട്. മാതാപിതാക്കള്‍ തുടര്‍ച്ചയായി ലക്ഷണങ്ങള്‍ പരിശോധിക്കണമെന്നും ആരോഗ്യമന്ത്രി നിര്‍ദേശിച്ചു.