യാത്ര പോകാന് ഇഷ്ടമുണ്ടായിട്ടും ശര്ദ്ദി എന്ന വില്ലന് കാരണം അവ ഒഴിവാക്കേണ്ട അവസ്ഥയാണ് ചിലര്ക്ക്. യാത്രയ്ക്കിടെ വില്ലനായി എത്തുന്ന ഛര്ദ്ദി തന്നെയാണ് പ്രശ്നം. ട്രാവല് സിക്നസ്, മോഷന് സിക്നസ് തുടങ്ങിയ പേരുകളില് അറിയപ്പെടുന്ന ഈ അവസ്ഥ ചിലരെ ഭീകരമായി പ്രശ്നത്തിലാക്കുന്നുണ്ട്.
കാറെന്നോ ബസെന്നോ വ്യത്യാസമില്ലാതെ ഇവരെ ഈ പ്രശ്നം അലട്ടികൊണ്ടിരിക്കും. ചില കാര്യങ്ങള് ശ്രദ്ധിച്ചാല് ഒരു പരിധി വരെ യാത്രയ്ക്കിടയിലെ ഛര്ദ്ദി ഒഴിവാക്കാം. കാര് ആയാലും ബസ് ആയാലും വിന്ഡോ സീറ്റില് ഇരിക്കുക എന്നതാണ് നല്ല മാര്ഗം. ആവശ്യത്തിന് കാറ്റ് ലഭിക്കുമ്പോള് മോഷന് സിക്ക്നെസ്സിനുള്ള സാധ്യത കുറയും.
യാത്രകളില് ബുക്ക് വായിക്കുന്ന ശീലമൊക്കെ മാറി ഇപ്പോള് മൊബൈല് നോക്കി ഇരിക്കുന്ന ശീലമാണ് ഏവര്ക്കുമുള്ളത്. ഇത് രണ്ടും യാത്രകളില് ചെയ്യാതിരിക്കുക. യാത്ര പുറപ്പെടുന്നതിന് തൊട്ടു മുമ്പ് അമിതമായി ഭക്ഷണം കഴിക്കാതിരിക്കുക. മിതമായ രീതിയിലുള്ള ആഹാരക്രമമാണ് നല്ലത്. ഹൈറേഞ്ച് യാത്രകളിലാണ് ഇത് ഏറ്റവുമധികം ശ്രദ്ധിക്കേണ്ടത്.
ബസ് യാത്രയില് അധികം കുലുക്കം അനുഭവപ്പെടാത്ത സ്ഥലത്ത് സീറ്റ് പിടിക്കുക. ഏറ്റവും പിന്നില് പോയി ഇരിക്കാതിരിക്കുക. മധ്യഭാഗത്തുള്ള വിന്ഡോ സീറ്റുകളിലിരിക്കുന്നതാണ് നല്ലത്.
പാട്ട് കേള്ക്കല്, സഹയാത്രികരുമായി സംസാരിക്കല് എന്നിവ മോഷന് സിക്ക്നെസ്സ് അകറ്റും. സ്വയം ഡ്രൈവ് ചെയ്യുന്നത് മോഷന് സിക്ക്നെസ്സിനെ അകറ്റാനുള്ള നല്ലൊരു വഴിയാണ്.
ഛര്ദ്ദിയുടെ പ്രശ്നമുള്ളവര് കാര് യാത്രയില് പരമാവധി എസി ഉപയോഗിക്കാതിരിക്കുക. ഗ്ലാസ് തുറന്നിട്ട് യാത്ര ചെയ്യാന് ശ്രദ്ധിക്കുക. പുറത്തെ കാറ്റ് മുഖത്തടിക്കുന്ന രീതിയില് ഇരുന്നാല് നല്ലതാണ്. കഠിനമായ മണമുള്ള എയര് ഫ്രഷ്നറുകളും ഉപയോഗിക്കാതിരിക്കുക.