ശരീരഭാഗങ്ങളില്‍ അമിതമായി കൊഴുപ്പ് അടിഞ്ഞുകൂടുന്ന അവസ്ഥയെയാണ് കൊളസ്ട്രോള്. ഹൈ ഡെന്‍സിറ്റി ലിപ്പോ പ്രോട്ടീന്‍ അല്ലെങ്കില്‍ HDL എന്നറിയപ്പെടുന്നത് നല്ല കൊളസ്ട്രോള് ആണ്. അതായത് കൂടുതല്‍ പ്രോട്ടീനും കുറവ് കൊഴുപ്പും അടങ്ങിയ കൊളസ്ട്രോള്. ഇത് ശരീരത്തിന് ആവശ്യമാണ്. കൂടുതല്‍ അളവില്‍ കൊഴുപ്പും കുറഞ്ഞ അളവില്‍ പ്രോട്ടീനും അടങ്ങിയതാണ് എല്‍ഡിഎല്‍ അല്ലെങ്കില്‍ ലോ ഡെന്‍സിറ്റി ലിപ്പോ പ്രോട്ടീന്‍ എന്നറിയപ്പെടുന്നത്.
ചീത്ത കൊളസ്ട്രോള് നിരവധി രോ?ഗങ്ങള്‍ക്ക് കാരണമാകും. ഭക്ഷണക്രമീകരണത്തിലൂടെയും വ്യായാമത്തിലൂടെയും മാത്രമേ കൊളസ്ട്രോളിനെ അകറ്റി നിര്‍ത്താന്‍ സാധിക്കു. കൊളസ്ട്രോള് കുറയ്ക്കാന്‍ സഹായിക്കുന്ന ഭക്ഷണങ്ങള്‍ ഏതൊക്കെയാണെന്നറിയാം…
കൊളസ്ട്രോള് കുറയ്ക്കാന്‍ നല്ലൊരു ഭക്ഷണമാണ് ഓട്‌സ്. ഓട്സില്‍ ലയിക്കുന്ന നാരുകള്‍ അടങ്ങിയിട്ടുണ്ട്. ഇത് ലോ ഡെന്‍സിറ്റി ലിപ്പോപ്രോട്ടീന്‍ (എല്‍ഡിഎല്‍) കൊളസ്ട്രോള് മോശം കൊളസ്ട്രോള് കുറയ്ക്കുന്നു.ലയിക്കുന്ന നാരുകള്‍ രക്തപ്രവാഹത്തിലേക്ക് കൊളസ്ട്രോള് ആഗിരണം ചെയ്യുന്നത് കുറയ്ക്കും. പ്രതിദിനം അഞ്ച് മുതല്‍ 10 ഗ്രാം വരെ ലയിക്കുന്ന നാരുകള്‍ എല്‍ഡിഎല്‍ കൊളസ്ട്രോള് കുറയ്ക്കുന്നു.
ദിവസവും കഴിക്കുന്ന ആഹാരത്തില്‍ അവാക്കാഡോ ഉള്‍പ്പെടുത്തുന്നത് കൊളസ്ട്രോള് കുറയ്ക്കാന്‍ സഹായിക്കും. അവാക്കാഡോ പോഷകങ്ങളുടെയും മോണോസാച്ചുറേറ്റഡ് ഫാറ്റി ആസിഡുകളുടെയും ശക്തമായ ഉറവിടമാണ്. ദിവസവും ഒരു അവോക്കാഡോ കഴിക്കുന്നത് എല്‍ഡിഎല്‍ കൊളസ്ട്രോളിന്റെ അളവ് കുറയ്ക്കാന്‍ സഹായിക്കുമെന്ന് ഗവേഷണങ്ങള്‍ സൂചിപ്പിക്കുന്നു.
ഇലക്കറികളില്‍ പ്രധാനിയാണ് ചീര. ചീര ആഹാരത്തില്‍ ഉള്‍പ്പെടുത്തിയാല്‍ കൊളസ്ട്രോള് കുറയ്ക്കും. ചീത്തകൊളസ്‌ട്രോള്‍ കുറയ്ക്കാന്‍ മാത്രമല്ല ഹൃദ്രോഗ സാധ്യത കുറയ്ക്കാനും ചീര സഹായിക്കും.
എല്‍ഡിഎല്‍ കൊളസ്ട്രോളിന്റെ അളവ് കുറയ്ക്കുന്ന ലൈക്കോപീന്‍ എന്ന സസ്യ സംയുക്തത്തിന്റെ പ്രധാന ഉറവിടമാണ് തക്കാളി. തക്കളിയില്‍ അടങ്ങിയിരിക്കുന്ന ലൈകോഫീന്‍, പൊട്ടാസ്യം, വൈറ്റമിന്‍ സി എന്നിവയാണ് കൊളസ്ട്രോള് കുറയ്ക്കാന്‍ സഹായിക്കുന്നത്.
മത്തി, നെയ്യ്മീന്‍ എന്നിവയില്‍ അടങ്ങിയിരിക്കുന്ന ഒമേഗ ത്രി ഫാറ്റി ആസിഡ് കൊളസ്ട്രോള് കുറയ്ക്കുന്നതാണ്. മീന്‍ കഴിക്കുന്നത് കൊറോണറി ആര്‍ട്ടറി രോഗ സാധ്യത കുറയ്ക്കാന്‍ സഹായിക്കും. വെളുത്തുള്ളി കൊളസ്ട്രോളിനെ പ്രതിരോധിക്കാന്‍ നല്ല മാര്‍ഗമാണ്. ഇവ രക്തധമനികളില്‍ അടിഞ്ഞുകൂടുന്ന കൊഴുപ്പ് നീക്കാനം സഹായിക്കുന്നതാണ്.
