ടാറ്റ മോട്ടോഴ്സ് സഫാരി അഡ്വഞ്ചര് പേഴ്സണ എഡിഷനില് പുതിയ ഓര്ക്കസ് വൈറ്റ് കളര് സ്കീം അവതരിപ്പിച്ചു. ഇതുവരെ, ട്രോപ്പിക്കല് മിസ്റ്റ് പെയിന്റ് സ്കീമില് മാത്രമേ മോഡല് ലഭ്യമായിരുന്നുള്ളൂ. ടോപ്പ്-സ്പെക്ക് XZ+, XZA+ ട്രിമ്മുകളെ അടിസ്ഥാനമാക്കി, വയര്ലെസ് ആപ്പിള് കാര്പ്ലേ, ആന്ഡ്രോയിഡ് ഓട്ടോ കണക്റ്റിവിറ്റി, വയര്ലെസ് ചാര്ജര്, കൂള്ഡ് ഒന്നും രണ്ടും നിര സീറ്റുകള് (6-സീറ്റര് മാത്രം) പതിപ്പ് എന്നിവയുള്പ്പെടെ ചില അധിക ഗുണങ്ങള് പതിപ്പിന് ലഭിക്കുന്നതായും ഇന്ത്യാ കാര് ന്യൂസ് റിപ്പോര്ട്ട് ചെയ്യുന്നു. ഈ അപ്ഗ്രേഡുകള്ക്കൊപ്പം, സഫാരി അഡ്വഞ്ചര് മാനുവല്, ഓട്ടോമാറ്റിക് പതിപ്പുകള്ക്ക് യഥാക്രമം 14,000 രൂപയും 24,000 രൂപയും വിലവരും.
ടാറ്റ സഫാരി അഡ്വഞ്ചര് പേഴ്സണ എഡിഷന് ഒരു വര്ഷം മുമ്പാണ് സ്റ്റാന്ഡേര്ഡ് മോഡലുമായി അവതരിപ്പിച്ചത്. സാധാരണ സഫാരിയെ അപേക്ഷിച്ച് മോഡലിന് കുറച്ച് സൗന്ദര്യവര്ദ്ധക മെച്ചപ്പെടുത്തലുകളും അധിക സവിശേഷതകളും ലഭിക്കുന്നു. പിയാനോ ബ്ലാക്ക് ഫ്രണ്ട് ഗ്രില്, ചാര്ക്കോള് ഗ്രേ സ്കിഡ് പ്ലേറ്റുകള്, ബ്ലാക്ക്ഡ് ഔട്ട് 18 ഇഞ്ച് അലോയ് വീലുകള്, റൂഫ് റെയിലുകള് എന്നിവയോടെയാണ് എഡിഷന് അസംബിള് ചെയ്തിരിക്കുന്നത്.
ബ്ലാക്ക് ആന്ഡ് വൈറ്റ് ഇന്റീരിയര് ഉള്ള സഫാരിയില് നിന്ന് വ്യത്യസ്തമായി, ബ്രൗണ് ആന്ഡ് വൈറ്റ് തീമിലാണ് സഫാരി അഡ്വഞ്ചര് പേഴ്സണ എഡിഷന് വരുന്നത്. ഇതിന് ബ്രൗണ് ബെനെക്കെ കലിക്കോ അപ്ഹോള്സ്റ്ററിയുണ്ട്. ഫീച്ചര് ഫ്രണ്ടില്, എസ്യുവി വയര്ലെസ് ആന്ഡ്രോയിഡ് ഓട്ടോയും ആപ്പിള് കാര്പ്ലേയും ഉള്ള 8.8 ഇഞ്ച് ടച്ച്സ്ക്രീന് ഇന്ഫോടെയ്ന്മെന്റ് സിസ്റ്റം, 7 ഇഞ്ച് ഡിജിറ്റല് ക്ലസ്റ്റര്, ഒന്നും രണ്ടും നിരകളില് വെന്റിലേറ്റഡ് സീറ്റുകള്, 6-വേ പവര്ഡ് ഡ്രൈവര് സീറ്റ്, കണക്റ്റഡ് കാര് ടെക്, വയര്ലെസ് എന്നിവ വാഗ്ദാനം ചെയ്യുന്നു. ചാര്ജര്, റിവേഴ്സ് പാര്ക്കിംഗ് ക്യാമറ, എയര് പ്യൂരിഫയര് തുടങ്ങി നിരവധി സംവിധാനങ്ങള് ഉണ്ട്.
ഇതിന്റെ എന്ജിനില് മാറ്റങ്ങളൊന്നും വരുത്തിയിട്ടില്ല. സാധാരണ മോഡലിന് സമാനമായി, ടാറ്റ സഫാരി അഡ്വഞ്ചര് പേഴ്സണല് എഡിഷനില് 170 എച്ച്പി കരുത്തും 350 എന്എം ടോര്ക്കും നല്കുന്ന 2.0 ലിറ്റര് ക്രിയോടെക് ടര്ബോചാര്ജ്ഡ് ഡീസല് എഞ്ചിനാണ് ഉപയോഗിക്കുന്നത്. ട്രാന്സ്മിഷന് തിരഞ്ഞെടുപ്പുകളില് 6-സ്പീഡ് മാനുവല്, 6-സ്പീഡ് ടോര്ക്ക് കണ്വെര്ട്ടര് ഓട്ടോമാറ്റിക് ഗിയര്ബോക്സ് എന്നിവ ഉള്പ്പെടുന്നു.
അതേസമയം നിലവിലെ റെഗുലര് ടാറ്റാ സഫാരിയപ്പറ്റി പറയുകയാണെങ്കില് ഐക്കണിക് മോഡലായ സഫാരിയുടെ പുതിയ പതിപ്പിനെ ടാറ്റാ മോട്ടോഴ്സ് 2021 ഫെബ്രുവരിയിലാണ് കമ്പനി അവതരിപ്പിക്കുന്നത്. പൂനെയ്ക്കടുത്തുള്ള ടാറ്റ മോട്ടോര്സിന്റെ പിംപ്രി പ്ലാന്റിലാണ് സഫാരി നിര്മ്മിക്കുന്നത്. ഈ ഫാക്ടറിയില് തന്നെയാണ് ഹാരിയര്, ആള്ട്രോസ് എന്നിവയും നിര്മ്മിച്ചിരിക്കുന്നത്.
പുത്തന് സഫാരി 7 സീറ്റര്, 6 സീറ്റര് എന്നിങ്ങനെ 2 സീറ്റിംഗ് കോണ്ഫിഗറേഷനില് ലഭ്യമാണ്. XZ+, XZA+ എന്നീ വേരിയന്റുകളില് ലഭ്യമായ 6 സീറ്റര് പതിപ്പില് രണ്ടാം നിരയില് ബക്കറ്റ് സീറ്റുകളാണ്. XE, XM, XT, XT+, XZ, XZ+ എന്നിങ്ങനെ 6 വേരിയന്റുകളിലാണ് 2021 ടാറ്റ സഫാരി വാങ്ങാവുന്നത്. റോയല് ബ്ലൂ, ഡേറ്റോണാ ഗ്രെ, ഓര്ക്കസ് വൈറ്റ്, ട്രോപ്പിക്കല് മിസ്റ്റ് എന്നിങ്ങനെ 4 നിറങ്ങളിലാണ് 2021 സഫാരി വാങ്ങാന് സാധിക്കുക.
ഹാരിയറിനെക്കാള് 70 എം.എം. നീളം കൂടിയിട്ടുണ്ടെങ്കിലും വീല്ബേസില് മാറ്റം വരുത്തിയിട്ടില്ല. അകത്തളം ബ്ലാക്ക്-ഐവറി ഫിനീഷിങ്ങിലാണ് ഒരുങ്ങിയിട്ടുള്ളത്. ത്രീ സ്പോക്ക് മള്ട്ടി ഫങ്ഷന് സ്റ്റിയറിങ്ങ് വീല്, 8.8 ഇഞ്ച് ഫ്ളോട്ടിങ്ങ് ഇന്ഫോടെയ്ന്മെന്റ് സിസ്റ്റം, ഏഴ് ഇഞ്ച് ഇന്സ്ട്രുമെന്റ് പാനല്, പനോരമിക് സണ്റൂഫ് തുടങ്ങിയവ സഫാരിയില് നല്കിയിരിക്കുന്നു. ഫിയറ്റ് വികസിപ്പിച്ച 2.0 ലിറ്റര് നാല് സിലിണ്ടര് ഡീസല് എന്ജിനാണ് സഫാരിയുടെ കരുത്ത്. ഇത് 168 ബി.എച്ച്.പി.പവറും 350 എന്.എം.ടോര്ക്കും ഉത്പാദിപ്പിക്കുന്നു.